Qazaxıstan Rusiyaya daşınan məhsullara nəzarəti gücləndirəcək
Bakı, 24 may, AZƏRTAC
Qazaxıstan sanksiyalara məruz qalan məhsulların ölkədən çıxarılmasına nəzarəti gücləndirəcək.
AZƏRTAC xəbər verir ki, Qazaxıstanın maliyyə naziri Yerulan Jamaubayev bu barədə jurnalistlərə məclisin (parlamentin aşağı palatası) kuluarlarında deyib.
“Biz sanksiyalara məruz qalan məhsulların hərəkətinin izlənilməsi üzrə əlavə sistem işə salacağıq. Nəzərimizdən qaçan bir şeylər olsa, qarşısını alacağıq”, - deyə nazir bildirib.
Onun sözlərinə görə, Avropa İttifaqı və ABŞ Rusiyaya satılması qadağan edilən məhsulların siyahısını Qazaxıstana verib. “Biz bu siyahı üzrə yoxlamaları daha diqqətlə aparacağıq”, - deyə Yerulan Jamaubayev əlavə edib.
Bölmənin digər xəbərləri
