Qazaxıstanda daha 173 nəfərdə COVID-19 aşkar edilib
Nur-Sultan, 26 avqust, AZƏRTAC
Son sutka ərzində Qazaxıstanda 173 nəfərdə COVID-19 aşkar edilib. Bunlardan 98-i simptomatik, 75 - asimptomatik daşıyıcıdır, 585 nəfər sağalıb. Qazaxıstanda koronavirus infeksiyasına yoluxmuş 300-dən çox xəstənin vəziyyəti ağırdır.
AZƏRTAC xəbər verir ki, Səhiyyə Nazirliyindən verilən məlumata görə, hazırda 49 uşaq da daxil olmaqla 9541 nəfər koronavirus infeksiyası müalicəsini davam etdirir. Xəstəxanalarda 4 min 786, ambulator şəraitdə 4 min 755 xəstə müalicə alır.
Ümumilikdə, rəsmi məlumatlara görə, cari il martın 13-dən avqustun 26-dək 105 min 75 nəfərdə COVID-19 infeksiyasına yoluxma faktı qeydə alınıb, 1544 nəfər həyatını itirib, bu tarixlərdə koronavirus infeksiyalı pnevmoniyaya 23 min 543 nəfər yoluxub, 268 nəfər həyatını itirib, 93 min 990 nəfər sağalıb.
İlahə Əhmədova
AZƏRTAC-ın xüsusi müxbiri
Nur-Sultan
Bölmənin digər xəbərləri
