Qazaxıstanda qoruyucu maska taxmaq məcburi oldu
Nur-Sultan, 30 iyul, AZƏRTAC
Qazaxıstanın Səhiyyə naziri Aleksey Tsoy koronavirus infeksiyasına yoluxmanın qarşısını almaq məqsədilə ictimai yerlərdə qoruyucu maskalardan istifadəni məcburi olduğunu elan edib. Səhiyyə naziri əhaliyə sanitar epidemioloji qaydalara riayət etməyi də tövsiyə edib.
AZƏRTAC xəbər verir ki, əhali üçün qoruyucu maskadan qapalı məkanlarda (aptek, mağaza, ofis, tibb təşkilatı, dövlət xidmətləri sahəsində təşkilatlarda və s.), eləcə də nəqliyyatda və küçədə istifadə etmək məcburidir.
Maska taxmayanlar 83 340 tenge (200 ABŞ dolları) cərimə olunacaqlar.
Qeyd edək ki, ölkə başçısının göstərişi ilə pandemiya səbəbindən Qazaxıstanda karantin tədbirləri avqustun 17-dək uzadılıb.
İlahə Əhmədova
AZƏRTAC-ın xüsusi müxbiri
Nur-Sultan
Bölmənin digər xəbərləri
