QAZAXISTANDA YENİ ƏSKİNAZLAR DÖVRİYYƏYƏ BURAXILMIŞDIR
AZƏRTAC-ın xüsusi müxbiri xəbər verir ki, Qazaxıstanın milli valyutası- təngə yeni dizaynda dövriyyəyə buraxılmışdır. Yeni pul nişanları 1998-2003-cü illərdə buraxılmış 200, 500, 1000, 5000, 10000 təngə dəyərində olan əskinasları əvəz edəcəkdir. Yeni və köhnə pul nişanları bir il ərzində paralel işləyəcəkdir. Sonra köhnə əskinazlar kommersiya banklarının filiallarında qəbul ediləcək, növbəti 10 il ərzində onları Milli Bankın filiallarına təhvil vermək mümkün olacaqdır.
Qazaxıstan Milli Bankının sədri Ənvər Saydenov bildirmişdir ki, dövriyyəyə buraxılmış əskinazların 80 faizində qazax dilində qrammatik səhvlər getmişdir və bir il ərzində belə pul nişanları dəyişdiriləcəkdir.
Bölmənin digər xəbərləri
