“QƏRİBƏ TƏSADÜF” FİLMİNİ GÜRCÜ KİNEMATOQRAFÇILARI XİLAS ETMİŞLƏR
AZƏRTAC xəbər verir ki, Eldar Ryazanovun məşhur “Qəribə təsadüf və ya həmişə təmizlikdə!” filmi SSRİ Dövlət mükafatını gürcü kinematoqrafçılarının sayəsində almışdır.
Bunu jurnalistlərə 25 ildən sonra yenidən Tbilisiyə gəlmiş Eldar Ryazanov bildirmişdir.
O demişdir ki, filmin namizədliyini dövlət mükafatına irəli sürmək istəmirdilər. Oktyabr inqilabının 60-cı ildönümü ərəfəsində (1977-ci il) sərxoş həkimin macəralarından bəhs edən filmi dövlət mükafatına layiq görmək münasib sayılmırdı. Onda Rezo Çxeidze filmi “Gürcüstanfilm” kinostudiyasının adından təqdim etmək təklifini irəli sürmüşdü.
Rejissor əlavə etmişdir ki, “Gürcüstanfilm” Barbara Brılskayanın da namizədliyini SSRİ dövlət mükafatına təqdim etdi. O illər heç bir əcnəbi aktrisa bu yüksək mükafata layiq görülməmişdi. Lakin gürcü kinematoqrafçılarının təkidi ilə gözəl sarışın polyak aktrisası da mükafatlandırıldı.
Bu günlər Tbilisinin Şota Rustaveli adına kinoteatrında Eldar Ryazanovun yeni və köhnə filmlərinin retrospektriv nümayişi keçirilir. Zaxariya Paliaşvili adına Gürcüstan Dövlət Akademik Opera və Balet Teatrında isə rejissorun yaradıcılıq gecəsi keçirilmişdir.
Bölmənin digər xəbərləri
