Qətər “Dubay EXPO 2020”də iştirak edəcək
Əbu-Dabi, 29 aprel, AZƏRTAC
192 ölkənin iştirak edəcəyi “Dubay EXPO 2020” beynəlxalq sərgisində Qətər də öz iştirakını təsdiqləyib.
AZƏRTAC “Arabian Business” nəşrinə istinadla xəbər verir ki, Qətər “Dubay EXPO” sərgisinə dəvət alıb və artıq öz iştirakını təsdiqləyib.
Qeyd edək ki, “Dubay EXPO ” 192 ölkənin sərgidə iştirakını artıq təsdiq edib. Birləşmiş Ərəb Əmirliklərinin (BƏƏ) bu sərgiyə bütün ölkələri dəvət etdiyi bildirilib və vurğulanıb ki, BƏƏ bu sərgini beynəlxalq hadisəyə və platformaya çevirmək niyyətindədir.
Xatırladaq ki, Azərbaycan “EXPO 2020”də iştirakını təsdiqləyən ilk ölkələrdən biri olub.
Asya Hacızadə
AZƏRTAC-ın xüsusi müxbiri
Əbu-Dabi
Bölmənin digər xəbərləri
