Qida istehsalı ilə məşğul olan sahibkarlarla görüş keçirilib
Bakı, 21 oktyabr, AZƏRTAC
Kiçik və Orta Biznesin İnkişafı Agentliyinin (KOBİA) təşkilatçılığı ilə Abşeron rayonunda qida istehsalı ilə məşğul olan sahibkarlıq subyektləri ilə görüş keçirilib.
KOBİA-dan AZƏRTAC-a bildirilib ki, görüşdə agentliyin, Abşeron Rayon İcra Hakimiyyətinin, İqtisadiyyat Nazirliyinin Sahibkarlığın İnkişafı Fondunun, Dövlət Vergi Xidmətinin, Azərbaycan Standartlaşdırma İnstitutunun, Qida Təhlükəsizliyi Agentliyinin, Dövlət Gömrük Komitəsinin, Azərbaycan Respublikası Sahibkarlar (İşəgötürənlər) Təşkilatı Milli Konfederasiyasının nümayəndələri, eləcə də 15-dən çox sahibkarlıq subyekti iştirak edib. Dövlət-sahibkar əməkdaşlığı platforması çərçivəsində təşkil olunmuş görüşdə sahibkarların ticarət şəbəkələrinə və maliyyə resurslarına çıxışına, vergi qanunvericiliyinə və digər məsələlərə dair fikir mübadiləsi aparılıb. Görüşdə, həmçinin sahibkarların təklifləri dinlənilib, onları maraqlandıran suallar cavablandırılıb.
Bölmənin digər xəbərləri
