QIRĞIZISTAN PREZİDENTİNİN BƏYANATI
Bakiyev xatırlatmışdır ki, “2001-ci ildə Qırğızıstan beynəlxalq antiterror koalisiyasına kömək etmiş və Manas aeroportunda hərbi baza yerləşdirilməsinə razılıq verərək, bu barədə ABŞ ilə müvafiq hökumətlərarası saziş imzalamışdır”. Dövlət başçısının sözlərinə görə, sonrakı illərdə antiterror koalisiyası çərçivəsində Qırğızıstanın ABŞ ilə əməkdaşlığı davam etdirilmişdir, “hərçənd regional və digər təşkilatlar çərçivəsində tərəfdaşlarımız respublika ərazisində Amerikanın aviabazası olması ilə əlaqədar narahatlıq keçirdiklərini bildirmişlər”.
Bakiyev demişdir: “Keçən ilin iyulunda ABŞ müdafiə nazirinin Qırğızıstana səfəri zamanı mən məsələnin tezliklə həll olunmasının zəruriliyini əsas tutaraq, yeni saziş bağlanmasını təklif etmişdim. Lakin bu proses 9 ay sürdü. Bu isə, həmin məsələdə aydınlıq olmadığına görə Qırğızıstan ictimaiyyətində narahatlıq doğurur”. Prezident qeyd etmişdir ki, bunu o, son aylar ABŞ-ın yüksək vəzifəli nümayəndələrinin nəzərinə dəfələrlə çatdırmışdır.
Bölmənin digər xəbərləri
