Qış Paralimpiya Oyunlarında ilk dəfə Azərbaycan bayrağı dalğalanacaq
Bakı, 15 fevral, AZƏRTAC
Azərbaycan Milli Paralimpiya Komitəsinin qış idman növləri üzrə milli komandasının üzvü Azərbaycan Paralimpiya tarixində ilk dəfə olaraq Qış Paralimpiya Oyunlarında iştirak edəcək.
AZƏRTAC xəbər verir ki, Paralimpiya komandasının üzvü Mehman Ramazanzadə "Pekin-2022" XIII Qış Paralimpiya Oyunlarında ölkəmizi təmsil edəcək. M.Ramazanzadə kross-kantri növünün sprint kateqoriyasında çıxış edəcək. İdmançımız mübarizəyə martın 9-da qoşulacaq.
Qeyd edək ki, XIII Qış Paralimpiya Oyunları martın 4-13-də Çin Xalq Respublikasının paytaxtı Pekində keçiriləcək. Oyunların açılış mərasimi martın 4-də Pekin Milli stadionunda baş tutacaq.
Bölmənin digər xəbərləri
