Qısamüddətli notların yerləşdirilməsi üzrə hərrac keçirilib
Bakı, 19 oktyabr, AZƏRTAC
Oktyabrın 19-da Bakı Fond Birjasında (BFB) Mərkəzi Bankın AZ2017024707 dövlət qeydiyyat nömrəli 30 milyon manat həcmində 28 gün qısamüddətli notlarının yerləşdirilməsi üzrə hərrac keçirilib.
BFB-dən AZƏRTAC-a bildirilib ki, hərracı zamanı 10 investor tərəfindən qiymət intervalı 99.6899 (4 faiz) manat və 99.7286 (3.5 faiz) manat olan 16 sifariş təqdim edilib. Sifarişlərin nominal qiymətlə ümumi məbləği 66 milyon 16 min 100 manat olub.
Mərkəzi Bankın qərarına əsasən, notların kəsmə qiyməti və orta ölçülmüş qiyməti 99.7286 (3.5 faiz) manat olaraq müəyyənləşdirilib. Hərrac nəticəsində notların yerləşdirilmiş həcmi 30 milyon manat təşkil edib. Notlar noyabrın 16-da ödəniləcək. Hərracda toplanmış tələb təklifdən çox olduğu halda təklif emitent tərəfindən ilkin olaraq hərraca çıxarılmış məbləğin maksimum 20 faizinə qədər artırıla bilər.
Bölmənin digər xəbərləri
