QIZLAR SEMİNARİYASININ YUBİLEYİ QEYD OLUNDU
Azərbaycan Akademik Milli Dram Teatrında Bakı Ali Pedaqoji Qızlar Seminariyasının 10 illiyinə həsr olunmuş yığıncaq keçirilmişdir.
Seminariyanın rektoru, professor Ağarəhim Rəhimov ölkəmizin ali məktəbləri nümayəndələrinin də iştirak etdikləri yığıncağı açaraq, bu təhsil ocağının fəaliyyətindən danışdı. O bildirdi ki, hazırda seminariyada 10 ixtisas üzrə 3 fakültə fəaliyyət göstərir, 8 kafedrada 33 elmlər doktoru, professor, 75 elmlər namizədi, dosent, 28 müəllim çalışır. İndiyədək 194 adda proqram,142 dərslik, dərs vəsaiti çap olunmuşdur. Yubiley ərəfəsində seminariya yeni tədris korpusuna köçmüş, burada müəllim və tələbələr üçün gözəl şərait yaradılmışdır.
Rektor vurğuladı ki, bütün bu uğurlar dövlətin ölkəmizdə təhsilə, gənclərin təlim-tərbiyyəsinə göstərdiyi diqqət və qayğısı nəticəsində mümkün olmuşdur.
Seminariyanın bir qrup müəlliminə Təhsil Nazirliyinin fəxri fərmanları təqdim edildi.
Axırda tələbələrin ifasında ədəbi-bədii kompozisiya göstərildi.
Bölmənin digər xəbərləri
