Qusarlı fermerlər əkin sahələrindən yüksək məhsuldarlıq əldə ediblər
Qusar, 10 avqust, Elxan Yusifli, AZƏRTAC
Bu il qusarlı fermerlər əkin sahələrindən yüksək məhsuldarlıq əldə ediblər.
2021-ci ilin məhsulu üçün 15 min 153 hektar sahədə buğda, 7 min 925 hektar sahədə arpa, 7 hektar sahədə isə vələmir toxumu səpilmişdi. Rayonda 23 min 85 hektar sahədən 72 min 480 ton məhsul yığılıb. Ümumilikdə hər hektar üzrə məhsuldarlıq 31,4 sentner təşkil edir.
Qusar Dövlət Aqrar İnkişaf Mərkəzinin direktoru Rauf Minhacov AZƏRTAC-ın bölgə müxbirinə bildirib ki, taxıl sahələrində xəstəliklərə, ziyanvericilərə və alaq otlarına qarşı kimyəvi və aqrotexniki tədbirlər düzgün və vaxtında aparılıb, bitkilərin inkişaf fazasından asıllı olaraq yemləmə gübrələrdən istifadə olunub və məhsul istehsalçıları ilə maarifləndirmə söhbətləri aparılıb.
“Bu il biçinə yeni kombaynların cəlb olunması məhsulun sahələrdən vaxtında və itkisiz yığılmasını təmin edib. Ümumilikdə, rayon üzrə biçin kampaniyası 80-dən çox taxılbiçən kombaynın qüvvəsi ilə aparılıb. İndi dağlıq ərazilərdə də biçin prosesi asanlaşıb. Ölkəmizə gətirilən yeni nəsil dağ kombaynları Qusarın dağlıq və dağətəyi zonalarda biçin prosesini həyat keçirib”, - deyə o əlavə edib.
Bölmənin digər xəbərləri
