RAMİL SƏFƏROVUN HÜQUQLARININ MÜDAFİƏSİ İLƏ BAĞLI TƏDBİR KEÇİRİLMİŞDİR
Universitetin rektoru, Milli Məclisin deputatı, AMEA-nın müxbir üzvü Abel Məhərrəmov çıxış edərək, Budapeşt Şəhər Məhkəməsinin erməni zabiti Qurgen Markaryanı qətlə yetirməkdə təqsirləndirilən azərbaycanlı zabit Ramil Səfərov haqqında çıxardığı ömürlük həbs cəzası hökmünün ədalətsiz qərar olduğunu və bunun dərin hiddətlə qarşılandığını bildirmişdir.
Nəzərə çarpdırılmışdır ki, məhkəmədə R.Səfərovun psixoloji durumu və hadisə ilə bağlı digər bəzi məqamlar heç də nəzərə alınmamış, düzgün hökm verilməmişdir.
BDU-nun kafedra müdiri, professor Firudin Səməndərov, tələbələr Ramil Səfərovun hüquqlarının müdafiə olunmasının vacibliyindən bəhs etmişlər. Bildirmişlər ki, Apelyasiya Məhkəməsində azərbaycanlı zabit haqqında ədalətli qərar çıxarılmalıdır.
Natiqlər, ermənilərin ərazilərimizdə törətdikləri vəhşiliklər, qanlı faciələr barədə əsaslı faktları Apelyasiya Məhkəməsinə və digər müvafiq beynəlxalq qurumlara çatdırılmasının zəruriliyini vurğulamışlar.
Universitetdə Ramil Səfərovu Müdafiə Mərkəzinin yaradıldığı da diqqətə çatdırılmışdır.
Tədbirdə Ramil Səfərovun hüquqlarının müdafiəsi ilə bağlı Azərbaycan və dünya gənclərinə müraciət qəbul olunmuşdur.
Bölmənin digər xəbərləri
