Regionlarda maarifləndirmə tədbirləri davam etdirilir
Bakı, 9 avqust, AZƏRTAC
Xaçmaz regional miqrasiya idarəsi tərəfindən qanunvericiliyin təbliği məqsədilə “Pandemiya dövründə Azərbaycan Respublikasında yaşayan əcnəbi və vətəndaşlığı olmayan şəxslərin leqallaşdırılması” mövzusunda onlayn maarifləndirmə tədbiri keçirilib.
Dövlət Miqrasiya Xidmətindən AZƏRTAC-a bildiriblər ki, əcnəbiləri işə qəbul edən fiziki və hüquqi şəxslərin nümayəndələri, iş icazəsi əsasında əmək fəaliyyəti ilə məşğul olan əcnəbilər və ictimaiyyət nümayəndələrinin iştirak etdiyi görüşdə pandemiya dövründə Azərbaycanda miqrasiya proseslərinin idarə olunması, Çağrı mərkəzinin fəaliyyəti, mobil tətbiq - MİGAZ, Xidmət tərəfindən göstərilən elektron xidmətlər barədə geniş məlumat verilib.
Sonda iştirakçıları maraqlandıran suallar cavablandırılıb.
Bölmənin digər xəbərləri
