“Renault”un rəhbəri: Mövsümə planlaşdırdığımız kimi başlaya bilmədik
Bakı, 27 aprel, AZƏRTAC
Mövsümə planlaşdırdığımız kimi başlaya bilmədik. Fikrimcə, Formula 1 yarışında yaranan emosiya və dramatik vəziyyətlərdən bir qədər uzaqlaşmaq lazımdır. Burada zamana qarşı bəzən məhdud resurs və imkanlarla yarışırsınız. Ümid edirəm ki, problemlər qısa müddətdə həll olunacaq.
AZƏRTAC xəbər verir ki, bu sözləri “Renault” komandasının rəhbəri Siril Abitebul aprelin 27-də Bakıda keçirilən mətbuat konfransında deyib.
“Renault” komandasının pilotu Daniel Rikkiardonun çıxışı barədə danışan Siril Abitebul bildirib: “İlk xal həmişə böyük əhəmiyyət daşıyır. Birinci xalı nə qədər tez qazanmaq mümkün olsa bir o qədər yaxşıdır. Fikrimcə, daha önəmlisi odur ki, indi onun bolidə inamı daha yüksəkdir. Rəqabət qabiliyyəti hələ ki istədiyimiz səviyyədə olmasa da, o, artıq hücum vəziyyətinə keçə və komandaya xal qazandıra bilər".
Bölmənin digər xəbərləri
