Astarada ağacdan yıxılan 60 yaşlı kişi ölüb
Astara, 15 avqust, AZƏRTAC
Astara rayonunda kişi ağacdan yıxılaraq ölüb.
AZƏRTAC-ın bölgə müxbiri xəbər verir ki, bədbəxt hadisə rayonun Siyəkü kəndində baş verib.
Belə ki, Bakı şəhər sakini, 1966-cı il təvəllüdlü Fazil Fətəliyev əncir dərmək üçün ağaca çıxıb. Ehtiyatsızlıq nəticəsində ağacdan yıxılan F.Fətəliyev müxtəlif dərəcəli bədən xəsarətləri alıb.
O, Lənkəran Rayon Mərkəzi Xəstəxanasına çatdırılsa da, həkiməqədər ölüm faktı qeydə alınıb.
Meyit daxili və xarici müayinə olunması üçün Məhkəmə Tibbi Ekspertiza və Patoloji Anatomiya Birliyinin Lənkəran rayonlararası zona mərkəzinə təhvil verilib.
Faktla bağlı araşdırma aparılır.
Müxbir - İlkin Adıyev
Bölmənin digər xəbərləri
