RF FEDERASİYA ŞURASI SƏDRİNİN MÜAVİNİ AZƏRBAYCANLA DAHA SIX MÜNASİBƏTLƏRİN İNKİŞAF ETDİRİLMƏSİNƏ TƏRƏFDARDIR

02.08.2004 [16:12]
Çap et
A⁺ A^-

RF Federal Məclisi Federasiya Şurasının sədr müavini Dmitri Mezentsev AZƏRTAC-ın xüsusi müxbirinə müsahibəsində bildirmişdir ki, Rusiya-Azərbaycan münasibətləri müsbət məcrada inkişaf edir, bu qarşılıqlı münasibətlərin səviyyəsini isə ölkələrimizin prezidentlərinin göstərdikləri nümunə müəyyənləşdirir. Dövlət başçılarımızın qarşılıqlı münasibətləri və irəli sürdükləri təşəbbüslər Rusiyanın regionları ilə Azərbaycan Respublikası arasında daha sıx münasibətlər yaradılmasının zəruriliyini göstərir. Bu isə ziyalıların, real biznesin nümayəndələrinin, on və yüz minlərlə sadə insanın öz aralarında münasibətlər yaratması deməkdir. Onların əksəriyyəti günəşli Azərbaycanı tanıyır və sevir.

D.Mezentsevin fikrincə, birbaşa əlaqələri sahmanlamaq, konkret tərəfdaşlıq razılaşmaları, dövlətlərimiz arasında imzalanmış bütün sənədlərin gerçəkləşdirilməsi üzərində işləmək lazımdır. O demişdir ki, MDB çərçivəsində əməkdaşlıq Azərbaycanla Rusiya arasında əməkdaşlığın çoxvariantlı sxemlərindən biridir. Lakin bununla yanaşı, tammiqyaslı ikitərəfli əməkdaşlığı da fəal inkişaf etdirmək lazımdır. Burada istənilən təşəbbüslər, əlbəttə, Azərbaycanın özünün təşəbbüsləri mütləq aktualdır və əməkdaşlığın ümumi sxeminə uyğun gəlir.

D.Mezentsev vurğulamışdır ki, Milli Məclis ilə Federasiya Şurası arasında yaxşı və sıx qarşılıqlı münasibətlər yaradılmışdır, lakin bu münasibətlər daha intensiv ola bilər.

RF FEDERASİYA ŞURASI SƏDRİNİN MÜAVİNİ AZƏRBAYCANLA DAHA SIX MÜNASİBƏTLƏRİN İNKİŞAF ETDİRİLMƏSİNƏ TƏRƏFDARDIR

MÜƏLLİFLƏ ƏLAQƏ

Bölmənin digər xəbərləri