RİÇARD ÇEYNİ QAZAXISTANA SƏFƏR EDƏCƏK
AZƏRTAC-ın xüsusi müxbiri Qazaxıstan Prezidentinin mətbuat xidmətinə istinadla xəbər verir ki, ABŞ-ın vitse-prezidenti Riçard Çeyni mayın əvvəllərində bu ölkəyə səfərə gələcəkdir. R.Çeyninin Prezident Nursultan Nazarbayev və ölkənin digər rəsmi şəxsləri ilə görüşlərində beynəlxalq terrorizmlə birgə mübarizə, təhlükəsizlik, energetika sahəsində əlaqələrin dərinləşdirilməsi, demokratik islahatların həyata keçirilməsi məsələləri müzakirə olunacaqdır.
Hazırda bu ölkələr arasında ticarət-iqtisadi əməkdaşlıq durmadan inkişaf edir. Qazaxıstanın iqtisadiyyatına yatırılan 15 milyard dollarlıq ən böyük sərmayə ABŞ-ın payına düşür.
Bölmənin digər xəbərləri
