“RÜBABƏ MURADOVA” SƏNƏDLİ FİLMİ ÇƏKİLMİŞDİR
AZƏRTAC xəbər verir ki, “Azərbaycantelefilm” Yaradıcılıq Birliyində Azərbaycan muğamlarının mahir ifaçısı, opera səhnəsinin unudulmaz solisti, xalq artisti Rübabə Muradovanın həyat və yaradıcılığından bəhs edən sənədli film çəkilmişdir.
Portret janrında çəkilən filmdə müğənninin həyat yolu, sənətə gəlişi, qazandığı uğurlar haqqında söhbət açılır.
Filmdə Rübabə Muradovanın müxtəlif zamanlarda ifa etdiyi mahnılar, operalardan parçalar, müğənninin canlı obrazı xəyalən tamaşaçını keçmişə qaytarır.
Çəkilişlər Bakıda və ətraf qəsəbələrdə aparılmışdır.
Filmin ssenari müəllifi Zərifə Ağahüseynqızı, rejissoru Mikayıl Əjdəroğlu, operatoru Nəriman Şıxəliyevdir.
Bölmənin digər xəbərləri
