RUS DRAM TEATRININ YENİ TAMAŞASI
Səməd Vurğun adına Azərbaycan Dövlət Rus Dram Teatrı yeni il ərəfəsində Anton Çexovun eyniadlı pyesi əsasında “Qağayı” tamaşasını hazırlamışdır.
Tamaşanın quruluşçu rejissoru xalq artisti Aleksandr Şarovskidir.
“Qağayı” bu mövsümdə teatrın ikinci yeni tamaşasıdır. Əsərdə xalq artistləri Yuri Baliyev, Fuad Poladov, əməkdar artistlər Natalya Baliyeva, Səfa Mirhəsənov, aktyorlar Natalya Haşımova, Aleksandr Markatun və başqaları iştirak edirlər.
Teatrın kollektivi qış tətili günlərində uşaqlar üçün rəngarəng Yeni il proqramı da hazırlamışdır. Proqramda “Karaoke” kütləvi vokal nömrələri, “Sehrli dəyişmələr” teatr möcüzələri sərgisi, “Yeni il nağılı” və əlbəttə, Şaxta Babanın hədiyyələri var.
Bölmənin digər xəbərləri
