RUSİYA AZƏRBAYCANDA MƏDƏNİYYƏT İNFORMASİYA MƏRKƏZİ AÇACAQ
AZƏRTAC-ın xüsusi müxbiri xəbər verir ki, Azərbaycanda Rusiya Mədəniyyət İnformasiya Mərkəzi açılacaqdır. Rusiya Hökumətinin mətbuat xidmətindən bildirmişlər ki, müvafiq qərarı RF Hökumətinin sədri Viktor Zubkov imzalamışdır. Qərara əsasən Rusiya xarici işlər və maliyyə nazirliklərinə növbəti maliyyə ili və plan dövrü üçün federal büdcə layihəsini formalaşdırarkən MDB ölkələrində Rusiya nümayəndəliklərinin saxlanılmasına ayrılan büdcə təxsisatlarını yenidən nəzərdən keçirmək təklif edilir.
Rusiyanın elm və mədəniyyət mərkəzləri Qazaxıstan, Ukrayna, Özbəkistan, Moldova və Ermənistanda da açılacaqdır.
Bölmənin digər xəbərləri
