RUSİYA QARA DƏNİZ İQTİSADİ ƏMƏKDAŞLIQ TƏŞKİLATINDA SƏDRLİK EDƏCƏK

25.04.2006 [21:04]
Çap et
A⁺ A^-

AZƏRTAC-ın xüsusi müxbiri xəbər verir ki, yaxın vaxtlarda Qara Dəniz İqtisadi Əməkdaşlıq Təşkilatında (QİƏT) Rusiya Federasiyası sədrlik edəcəkdir. RF XİN-in İnformasiya və mətbuat departamentindən bildirmişlər ki, sədrlik Rusiyaya Rumıniyadan keçəcəkdir. Ənənəyə görə, təşkilatın üzvü olan hər bir ölkə yarım il ərzində quruma sədrlik edə bilər.

XİN-dən bildirmişlər ki, bu, QİƏT ölkələri Xarici İşlər Nazirləri Şurasının (XİNŞ) aprelin 26-da Buxarestdə keçiriləcək 14-cü iclasında rəsmən qərara alınacaqdır. İclasda Azərbaycan, Albaniya, Bolqarıstan, Yunanıstan, Gürcüstan, Ukrayna, Moldova, Rusiya, Türkiyə, Rumıniya, Serbiya və Çernoqoriya, Ermənistanın nümayəndə heyətləri iştirak edəcəklər.

İclasda QİƏT çərçivəsində əməkdaşlığın vəziyyəti, təşkilatın işinin səmərəliliyinin artırılması və üzv ölkələrin əməkdaşlığın müxtəlif sahələrində qarşılıqlı fəaliyyətinin bundan sonra da genişləndirilməsi tədbirləri müzakirə olunacaqdır.

RUSİYA QARA DƏNİZ İQTİSADİ ƏMƏKDAŞLIQ TƏŞKİLATINDA SƏDRLİK EDƏCƏK

MÜƏLLİFLƏ ƏLAQƏ

Bölmənin digər xəbərləri