Rusiyada əmək miqrantlarının xəstəlikləri barədə məlumatları əks etdirən resurs yaradılacaq
Moskva, 3 iyun, AZƏRTAC
Rusiya İstehlakçıların Hüquqlarının və İnsan Rifahının Müdafiəsi Üzərində Nəzarət Federal Agentliyi (Rospotrebnadzor) əmək miqrantlarının yoluxucu xəstəlikləri və peyvəndləri barədə məlumatları əks etdirən informasiya resursu yaradılmasını təklif edir.
AZƏRTAC xəbər verir ki, bunun üçün “Əhalinin sanitar-epidemioloji rifahı haqqında” Qanuna dəyişiklik ediləcəyi gözlənilir. Mütəxəssislərin fikrincə, yeni yaradılacaq baza yoluxucu xəstəliklərin ilkin müəyyən edilməsi, profilaktik tədbirlərin vaxtında görülməsi, yoluxucu xəstəlik aşkar edilmiş əcnəbi vətəndaşın ölkədə olmasının məqsədəuyğunsuzluğu və deportasiyası barədə qərar qəbul edilməsinə imkan yaradacaq. Resursa tibbi müayinələrin, profilaktik peyvəndlərin və digər yoxlamaların nəticələri daxil ediləcək.
Qanun layihəsi iyunun 14-də müzakirəyə çıxarılacaq.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
