RUSİYADA MƏKTƏBLİLƏRİN SAĞLAMLIQ SƏVİYYƏSİ TƏŞVİŞ DOĞURUR

11.09.2003 [12:53]
Çap et
A⁺ A^-

AZƏRTAC-ın İTAR-TASS agentliyindən aldığı xəbərdə deyilir ki, Rusiya Təhsil Nazirliyinin kollegiya iclasında ölkə ictimaiyyətini təşvişə sala biləcək faktlar açıqlanmışdır. İclasda bildirilmişdir ki, Rusiya məktəblərinin yuxarı sinif şagirdlərinin, əslində, 8-10 faizi sağlamdır, uşaqların yarısında xroniki xəstəliklər var.

Mütəxəssislərin dediyinə görə, son 10 ildə uşaqların xəstələnməsinin səviyyəsi üç dəfə artmışdır. Dispanser müayinəsi sağlam uşaqların cəmi 33,9 faiz təşkil etdiyini göstərmişdir.

Müəllimlərin fikrincə, məktəblərdəki şərait də şagirdlərin səhhətinə xeyli mənfi təsir göstərir. Məsələn, Rusiyanın bir sıra subyektlərinin məktəblərində idman salonları olmadığından bədən tərbiyəsi dərsləri qeyri-münasib otaqlarda keçilir. Məktəblər təhlükəsiz tədris avadanlığı ilə lazımınca təchiz edilməmişdir. Hər 7 məktəbdən birində içməli su mikrobioloji göstəricilərinə görə sanitariya normasına uyğun deyildir.

RUSİYADA MƏKTƏBLİLƏRİN SAĞLAMLIQ SƏVİYYƏSİ TƏŞVİŞ DOĞURUR

MÜƏLLİFLƏ ƏLAQƏ

Bölmənin digər xəbərləri