Rusiyada sərnişin təyyarəsinin qəza enişi zamanı iki nəfər həlak olub
Moskva, 27 iyun, AZƏRTAC
Rusiyanın Buryatiya Respublikasında sərnişin təyyarəsinin qəza enişi zamanı iki nəfər həlak olub.
AZƏRTAC xəbər verir ki, Nijneanqarsk aeroportunda “An-24” təyyarəsinin qəza enişi zamanı iki pilot həlak olub, 22 nəfər yaralanıb.
Məlumata görə, təyyarənin göydə mühərriklərindən biri sönüb. Eniş zamanı təyyarə uçuş zolağından çıxıb və aeroportdakı təmizləyici qurğular olan bina ilə toqquşaraq alovlanıb.
“Anqara” aviaşirkətinə məxsus təyyarə Ulan-Ude-Nijneanqarsk-İrkutsk marşrutu ilə uçuş həyata keçirirdi.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
