Rusiyadan İrana çəkiləcək qaz kəməri Azərbaycandan keçəcək
Moskva, 17 yanvar, AZƏRTAC
Rusiyadan İrana çəkiləcək qaz kəməri Azərbaycandan keçəcək.
AZƏRTAC xəbər verir ki, bu barədə Rusiyanın energetika naziri Sergey Tsivilyov jurnalistlərə bildirib.
“Azərbaycandan keçən marşrut razılaşdırılıb. Biz indi danışıqların sonuncu - qiymətin təsdiqi mərhələsindəyik. Həcmlər artıq qeydə alınıb. Qiymət hər zaman kommersiya məsələsidir, kompromis axtarışıdır. Buna görə də hər iki tərəfdən işçi qrupları yaradılıb və mütəxəssislər qiymətlə bağlı yanaşma işləyib hazırlayırlar”, - deyə nazir vurğulayıb.
O əlavə edib ki, birinci mərhələdə tədarük potensialı 2 milyard kubmetr təşkil ediləcək və perspektivdə bunu 55 milyard kubmetrə qədər artırılması nəzərdə tutulur.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
