RUSİYANIN NƏ QƏDƏR XARİCİ BORCU VAR?
AZƏRTAC-ın xüsusi müxbiri Rusiya Maliyyə Nazirliyinin məlumatına istinadla xəbər verir ki, cari il yanvarın 1-dək ölkənin xarici borcu 122,1 milyard dollar olmuşdur. Rusiyanın Paris Kreditorlar Klubu ölkələrinə 44,7 milyard dollar, bu kluba daxil olmayan ölkələrə isə 7,7 milyard dollar borcu var. Kommersiya borcu 3,9 milyard dollardır. Beynəlxalq maliyyə təşkilatlarına borcun həcmi 13,9 milyard dollar, o cümlədən Beynəlxalq Valyuta Fonduna 6,5 milyard, Dünya Bankına 7,0 milyard, Avropa Yenidənqurma və İnkişaf Bankına 0,3 milyard dollardır. Avropa istiqrazları üzrə borc 36,9 milyard dollar olmuşdur. Dəqiqləşdirilmiş məlumata görə, 2002-ci il yanvarın 1-dək xarici borcun həcmi 130,1 milyard dollar təşkil etmişdir.
Bölmənin digər xəbərləri
