RUSİYANIN NTV TELEKANALI BELARUSDA FƏALİYYƏTİNİ DAYANDIRIR
AZƏRTAC Rusiyanın informasiya agentliklərinə istinadla xəbər verir ki, Belarusda Rusiyanın NTV telekanalının bu ölkənin ərazisində fəaliyyətinin dayandırılması haqqında Nazirlər Sovetinin qərarı qüvvəyə minmişdir. Sənədə əsasən, Belarusda NTV-nin nümayəndəliyi, hesabı bağlanmalı, möhürü ləğv edilməlidir. NTV-nin respublikada fəaliyyətinin dayandırılması ilə bağlı tədbirlərin həyata keçirilməsinə nəzarət Xarici İşlər Nazirliyinə tapşırılmışdır. Bu qərarın qəbul edilməsinə telekanalın Belarus nümayəndəliyinin rəhbəri Pavel Selinin tanınmış yazıçı Vasil Bıkovun dəfni haqqında reportajı səbəb olmuşdur. Rəsmi Minskin fikrincə, reportajda “yalan və təxribat xarakterli informasiya verilmişdir”. Nəticədə, Pavel Selin iyunun 28-də akkreditasiyadan məhrum edilərək, Belarus ərazisindən çıxarılmış, ona yaxın 5 il ərzində ölkəyə gəlmək qadağan olunmuşdur. Belarus XİN-in informasiya idarəsinin rəisi Andrey Savinıx ölkənin Ümummilli televiziya ilə çıxışında bildirmişdir ki, “NTV telekanalı efirdə rəsmi surətdə üzr istəsə, XİN nümayəndəliyin fəaliyyətinin bərpası məsələsinə baxmağa hazırdır”.
Bölmənin digər xəbərləri
