Saatlı rayonunda kənd təsərrüfatının inkişafına dövlət dəstəyi nəticəsində məhsul istehsalı 44 faiz artmışdır
Saatlı, 29 yanvar (AZƏRTAC). Saatlı rayonunda aqrar bölmənin inkişafına dövlət dəstəyi nəticəsində məhsul istehsalında uğurlu nəticələr qazanılmışdır.
AZƏRTAC xəbər verir ki, ötən il rayonda ümumi məhsul istehsalı 58 faiz artmışdır. Ən çox artım isə kənd təsərrüfatında olmuşdur (44 faiz).
2011-ci ilin may ayında “Aqrolizinq” ASC-nin Saatlı aqroservis bazasının istifadəyə verilməsi rayonun iqtisadi həyatında mühüm rol oynamışdır.
Ötən il aqroservis bazası rayonun kənd təsərrüfatı məhsulları istehsalçılarına 3 min 558 ton mineral gübrə satmış, lizinq yolu ilə 2 min 50 hektar sahədə şum aparılmışdır.
Dövlət tərəfindən məhsul istehsalçılarına göstərilən maliyyə və texniki dəstək müsbət nəticəsini vermişdir.
Ötən il rayonda 73 min 854 ton taxıl məhsulları istehsal edilmişdir.
Rayonda heyvandarlıq gəlirli sahəyə çevrilmişdir. Təsərrüfatlarda 65 mindən çox qaramal, 94 mindən çox davar vardır.
Saatlı rayonunda aqrar bölmədə işləyənlər ərzaq təhlükəsizliyinə dair Dövlət Proqramının uğurla yerinə yetirilməsinə layiqli töhfələr verirlər.
Bölmənin digər xəbərləri
