Saatlıda əsas kapitala 7 milyon manatdan çox investisiya yönəldilib
Saatlı, 15 fevral, Aydın Yavərzadə, AZƏRTAC
Saatlıda 2022-сi ildə tikinti təşkilatları və fərdi sahibkarlar tərəfindən 3 milyon 435,4 min manat həcmində tikinti işləri yerinə yetirilib ki, bu da əvvəlki illə müqayisədə 267,3 min manat və ya 8,4 faiz çoxdur.
Rayon Statistika İdarəsindən AZƏRTAC-ın bölgə müxbirinə bildirilib ki, tikinti işlərinin 350,1 min manatını və ya 10,2 faizini yeni tikinti, yenidənqurma, genişləndirmə, texniki vasitələrin yenidən təchiz edilməsi, 1 milyon 996 min manatını və ya 58,1 faizini əsaslı təmir, 1 milyon 89,3 min manatını və ya 31,7 faizini isə cari təmir işləri təşkil edib.
Ötən il istifadəyə verilmiş əsas fondların dəyəri 44 milyon 606,1 min manat olub ki, bu da əvvəlki illə müqayisədə 6,2 dəfə çoxdur.
Bütün maliyyə mənbələri hesabına əsas kapitala 7 milyon 362,1 min manat investisiya yönəldilib. İstifadə olunan investisiyanın 3 milyon 540,8 min manatı və ya 48,1 faizi dövlət vəsaiti, 38 milyon 21,3 min manatı və ya 51,9 faizi isə qeyri-dövlət vəsaitləri hesabına olub.
Bölmənin digər xəbərləri
