SABİRABAD TAXILÇILARI REKORD MƏHSUL YETİŞDİRMİŞLƏR
Sabirabad fermerləri 30 min 414 hektar sahədə yetişdirdikləri bol taxıl məhsulunu qısa müddətdə və itkisiz toplamağa çalışırlar. 2 min 803 hektar sahədə arpa biçini artıq başa çatmış, hər hektardan 38 sentner məhsul yığılmışdır. Bu göstərici bir il əvvəlkindən 4 sentner çoxdur. İndiyədək 15 min hektar buğda sahəsinin məhsulu da biçilmişdir. Hər hektarın orta məhsuldarlığı 40 sentnerə yaxın olmuşdur. Hazırda zəmilərdə 70-dən çox kombayn işləyir. Yüksək məhsul uğrunda mübarizədə irəlidə gedən Əhmədabad, Qaratəpə, Cavad və Moranlı kəndlərinin sahibkarları biçini qurtarmaq üzrədirlər. Rayonda biçini iyulun 25-dək başa çatdırmaq nəzərdə tutulur.
Bölmənin digər xəbərləri
