Sabirabadda “Oxu günü”
Sabirabad, 23 aprel, Mahir Babayev, AZƏRTAC
Aprelin 23-də Sabirabaddakı Gənclər Mərkəzində “Ümumdünya Kitab və Müəlliflik Hüququ Günü” münasibətilə “Oxu günü” keçirilib.
AZƏRTAC-ın bölgə müxbiri xəbər verir ki, Sabirabad Rayon Təhsil Şöbəsinin təşkilatçılığı ilə keçirilən tədbirin məqsədi yeniyetmə və gənclər arasında mütaliəyə marağı artırmaq, oxu vərdişlərinin inkişafına nail olmaqdan ibarətdir.
Tədbirdə rayon Təhsil Şöbəsi və Gənclər və İdman İdarəsinin rəhbər işçiləri, ictimaiyyət nümayəndələri, müəllim və şagirdlər iştirak ediblər.
Metodist Asif Əyyubovun rəhbərliyi ilə keçirilən tədbirdə rayonun bir çox ümumtəhsil məktəb və liseylərinin şagirdləri müxtəlif təqdimatlarla çıxış edib. Bədii əsərlər əsasında hazırlanmış səhnəcik, tamaşa və musiqili kompozisiyalar rəğbətlə qarşılanıb. Tədbirdə, həmçinin kitab sərgisi açılıb.
Bölmənin digər xəbərləri
