“SAĞLAMLIQ-2008” RESPUBLİKA SPARTAKİADASININ AÇILIŞI OLMUŞDUR
AZƏRTAC xəbər verir ki, oktyabrın 22-də Bakı İdman Sarayında Rabitə və İnformasiya Texnologiyaları Nazirliyi, Azərbaycan Rabitə İşçiləri Müstəqil Həmkarlar İttifaqı Respublika Komitəsi və “Spartak” Könüllü Bədən Tərbiyəsi İdman Cəmiyyətinin Respublika Şurasının birgə təşkilatçılığı ilə rabitə işçilərinin “Sağlamlıq-2008” respublika spartakiadasının açılışı olmuşdur.
Tədbirdə cıxış edən rabitə və informasiya texnologiyaları nazirinin müavini İltimas Məmmədov, gənclər və idman nazirinin müavini İsmayıl İsmayılov və başqaları Azərbaycanda rabitə, informasiya texnologiyaları və idman sahəsinə göstərilən dövlət qayğısını xüsusi vurğulamışlar. Qeyd edilmişdir kİ, hər bir sahədə olduğu kimi bu sahələrin inkişaf etdirilməsi üçün böyük layihələr həyata keçirilir.
İdmanın inkişaf etdirilməsi məqsədi ilə respublikanın ən ucqar bölgələrində olimpiya kompleksləri gənclərin istifadəsinə verilmişdir. Məhz bunun nəticəsidir ki, idmançılarımız beynəlxalq yarışlarda Azərbaycanı uğurla təmsil edirlər.
Spartakiadada idmanın 8 növü üzrə12 komanda iştirak edir.
Yarışlar noyabrın 20-dək davam edəcəkdir.
Bölmənin digər xəbərləri
