SAĞLAMLIQ İMKANLARI MƏHDUD OLAN UŞAQLARIN PROBLEMLƏRİ MÜZAKİRƏ OLUNMUŞDUR
Nazirlikdən AZƏRTAC-a bildirmişlər ki, nazir YUNİSEF-in ölkəmizdə gördüyü işləri yüksək qiymətləndirmiş, təhsil sistemimizin inkişafında bu beynəlxalq təşkilatın rolunu xüsusi vurğulamışdır.
Sağlamlıq imkanları məhdud və valideyn himayəsindən məhrum olan uşaqlarla bağlı görülən işlərdən danışan nazir dövlətimizin başçısı İlham Əliyevin və onun xanımı Mehriban Əliyevanın bu qəbildən olan insanlara daim qayğı və diqqət göstərdiklərini söyləmişdir. Bildirmişdir ki, hazırda sağlamlıq imkanları məhdud şəxslərin cəmiyyətə inteqrasiyası üçün onların tədricən evlərə və normal məktəblərə qaytarılması istiqamətində tədbirlər görülür.
Aleksandra Yuster sağlamlıq imkanları məhdud şəxslər və valideyn himayəsindən məhrum olan uşaqlarla bağlı aparılan işləri dəstəklədiyini bildirmiş və bunların beynəlxalq təcrübəyə tamamilə uyğun olduğunu söyləmişdir.
Görüşdə sağlamlıq imkanları məhdud şəxslərin təhsil aldığı müəssisələrin əsasnamələrində, müvafiq qanunvericilik aktlarında bəzi dəyişikliklərin aparılması və digər məsələlər müzakirə edilmişdir.
Bölmənin digər xəbərləri
