Sahibkarlıq sahəsində aparılan yoxlamalar tənzimlənir
Bakı, 4 may, AZƏRTAC
“Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında” Qanunda dəyişikliklər olunacaq.
AZƏRTAC xəbər verir ki, qanun layihəsi Milli Məclisin İqtisadi siyasət, sənaye və sahibkarlıq komitəsinin mayın 4-də keçirilən iclasının gündəliyinə daxil edilib.
Sənədə əsasən, layihənin 1.1-ci maddəsində “Yoxlama obyekti”nin anlayışı və onun əhatə dairəsi müəyyən olunur. Bu yanaşma imkan verəcək ki, yoxlama obyektinin hər hansı biri üzrə yoxlama aparıldıqda, sahibkarın fəaliyyəti bütövlükdə dayandırılmasın. Eyni zamanda, layihənin 12-ci, 14.1-ci, 21-ci və 23-cü maddələri Qanunun müvafiq maddələrini 1.1-ci maddədə nəzərdə tutulan anlayışa uyğunlaşdırır. Layihənin 1.3-cü maddəsində "Risklərin idarə olunması" anlayışı, onun strukturu, 8-ci maddəsində isə struktura daxil olan komponentlərin anlayışları verilir. Bu cür yanaşma risklərin idarə olunmasına aydınlıq, ardıcıllıq və şəffaflıq gətirəcəkdir. Bu isə öz növbəsində, risklərinin idarə olunması ilə bağlı proseslərdə müəyyənliyin və sahibkar üçün əlçatanlığın artmasına səbəb olacaqdır.
Qanun layihənin 4-cü maddəsində yoxlayıcı qurumun və sahibkarın hüquq və vəzifələri müfəssəl formada (Fəsil 1-1) verilib. Yoxlama prosesi ilə bağlı bütün məsələlər bu Qanunun predmeti olduğundan yoxlama prosedurunun iştirakçılarının hüquq və vəzifələri digər hüquqi aktlarda əks olunmayıb. İlk dəfə olaraq bu Qanun layihəsində təklif edilir.
Bölmənin digər xəbərləri
