ŞAHİN DİNİYEV YIĞMA FUTBOL KOMANDANIN HEYƏTİNƏ DAHA ÜÇ ƏCNƏBİ OYUNÇU CƏLB ETMİŞDİR
AZƏRTAC xəbər verir ki, Azərbaycanın yığma futbol komandasının baş məşqçisi Şahin Diniyev Qazaxıstanda keçiriləcək beynəlxalq “Alma TV kuboku” turnirinə hazırlaşacaq futbolçuların adlarını açıqlamışdır.
Baş məşqçi daha üç əcnəbi futbolçunu yığmaya cəlb etmişdir.
“Neftçi”nin serbiyalı futbolçusu Branimir Subaşiçlə yanaşı, “Olimpik”də çıxış edən nigeriyalı Usim Nduka və “Karvan”ın şərəfini qoruyan braziliyalı Markus Fereyra da yığmada yer almışlar.
Bundan əlavə, komandaya Cahangir Həsənzadə (Qarabağ), Fərhad Əliyev (İnter), Zaur Həşimov, Samir Abbasov (Qarabağ), Ramin Quliyev (Bakı), Ernani Pereyra (Karvan), Rahid Əmirquliyev (Xəzər-Lənkəran), Aslan Kərimov (Qarabağ), Emin İmaməliyev (İnter), Elmar Baxşiyev (İnter), Ceyhun Sultanov (Xəzər-Lənkəran), Andre Ladaqa (Bakı), Aleksandr Çertoqanov (Neftçi), Vüqar Nadirov (Xəzər-Lənkəran), İlqar Qurbanov (Xəzər-Lənkəran), Leandro Qomeş (Bakı), Vaqif Cavadov (Qarabağ) və Kənan Kərimov (Qarabağ) cəlb olunmuşlar.
Xatırladaq ki, martın 7-dən 12-dək Qazaxıstanın Çimkənt şəhərində keçiriləcək “Alma TV” kuboku turnirində Azərbaycan yığmasının rəqibləri meydan sahibləri ilə yanaşı, Qırğızıstan və Özbəkistan komandaları olacaqlar.
Bölmənin digər xəbərləri
