Şair İlyas Tapdığın 90 illiyi münasibətilə elektron məlumat bazası hazırlanıb
Bakı, 29 noyabr, AZƏRTAC
Bu il Azərbaycan ədəbiyyatının tanınmış nümayəndələrindən biri, şair, Prezident təqaüdçüsü İlyas Tapdığın 90 illik yubileyi tamam olur. Bu münasibətlə Cəfər Cabbarlı adına Respublika Gənclər Kitabxanasında şairin həyat və yaradıcılığına həsr olunan elektron məlumat bazası yaradılıb.
AZƏRTAC xəbər verir ki, kitabxananın rəsmi saytında yerləşdirilən bazada görkəmli şəxslərin İlyas Tapdığa dair söylədikləri dəyərli fikirlər, Xalq şairi Zəlimxan Yaqubun onun haqqında qələmə aldığı “Ustad şairə dost təbriki” adlı məqalənin tam mətni, şairə həsr olunan kitab və dövri mətbuat nümunələrinin siyahısı təqdim edilir. Elektron bazada İlyas Tapdığın məcmuələrdə, dövri mətbuatda çıxan şeir, məqalə və müsahibələri, əsərləri, məsləhətçisi, tərtibçisi olduğu, redaktə etdiyi kitabların, sözlərinə yazılan not əsərlərinin siyahısı ilə yanaşı, şairə həsr edilən şeirlərin tam mətni də yer alır.
“İlyas Tapdıq - 90” adlı elektron bazada “İzonəşrlər”, “Filmoqrafiya”, “Foto və video qalereya” bölmələri də mövcuddur.
Bölmənin digər xəbərləri
