SALYANDA KÜR ÇAYININ MƏCRASININ DÜZLƏNMƏSİ LAYİHƏSİ HƏYATA KEÇİRİLİR
AZƏRTAC xəbər verir ki, Salyanda Kür çayı məcrasının düzlənməsinə hazırlıq görülür.
Respublika Nazirlər Kabinetinin təsdiq etdiyi layihəyə əsasən, ilkin mərhələdə Akkuşa çayına su vuran iritutumlu nasoslar yeni sahədə quraşdırılmalı, təsərrufatların su ilə fasiləsiz təminatına şərait yaradılması üçün uzunluğu 1450, eni isə 11 metr olan əlavə beton kanal çəkilməlidir. Podratçı “Muğan Sutikinti” Törəmə müəssisəsi kanalın tikilməsinə 150-yə yaxın müxtəlif təyinatlı texnika və xeyli işçi qüvvəsi cəlb etmişdir.
Kürün yeni məcrası Salyanın Babazanan və Neftçalanın Şorkənd yaşayış məntəqələrindən də keçməlidir. İki il müddətində reallaşdırılacaq layihə Kür çayının aşağı axarında daşqın təhlükəsini aradan qaldırmağa, sahilyanı torpaq sahələrinin şoranlaşmasının qarşısını almağa imkan verəcəkdir.
Bölmənin digər xəbərləri
