Şamaxıda ölümlə nəticələnən yol-nəqliyyat hadisəsi baş verib
Şamaxı, 8 may, AZƏRTAC
Şamaxı rayonunda ölümlə nəticələnən ağır yol-nəqliyyat hadisəsi baş verib.
AZƏRTAC-ın bölgə müxbiri xəbər verir ki, hadisə bu gün saat 18:00 radələrində Şamaxı-Pirqulu yolunun Əngəxaran kəndi ərazisindən keçən hissəsində qeydə alınıb. Şamaxı sakini, 2003-cü il təvəllüdlü Zeynalov Fəqan Anar oğlu babası Mürvət Zeynalova məxsus "NİVA" markalı minik avtomobili ilə hərəkətdə olarkən döngədə idarəetməni itirib və maşın yoldan çıxaraq aşıb.
Hadisə zamanı sərnişin, 2003-cü il təvəllüdlü Muxtarov Bəxtiyar Azər oğlu aldığı xəsarətlərdən ölüb. Avtomobili idarə edən Fəqan Zeynalov və digər sərnişin, Bakı sakini, 2004-cü il təvəllüdlü Salahov Cəmil Azər oğlu xəsarət alıblar. Yaralılar Şamaxı Rayon Mərkəzi Xəstəxanasına aparılıb. Ölən və yaralananlar 11-ci sinif şagirdləridir.
Faktla bağlı araşdırma aparılır.
Bölmənin digər xəbərləri
