SANKT-PETERBURQDA BEYNƏLXALQ KONFRANS KEÇİRİLMİŞDİR
Bu günlərdə Azərbaycan Respublikasının İnsan Hüquqları üzrə Müvəkkili (Ombudsman) Aparatının hüquqi maarifləndirmə şöbəsinin baş məsləhətçisi Zaur Əliyev Sankt-Peterburq şəhərində Rusiya Beynəlxalq Hüquq Assosiasiyası və Sankt-Peterburq Dövlət Universiteti hüquq fakültəsinin birgə keçirdikləri beynəlxalq konfransda iştirak etmişdir. Ombudsman aparatından AZƏRTAC-a bildirmişlər ki, konfrans “Müasir dövrdə sülhün və xalqların təhlükəsizliyinin təmin edilməsində beynəlxalq hüququn rolu” mövzusuna həsr olunmuşdu.Azərbaycan nümayəndəsi Zaur Əliyev “Hüquqi dövlətdə ombudsmanın rolu” mövzusunda çıxış etmiş, konfrans iştirakçılarına Azərbaycan Respublikasının İnsan Hüquqları üzrə Müvəkkili (Ombudsman) E.Süleymanovanın Xocalı soyqırımı ilə əlaqədar bəyanatını təqdim etmişdir.
Bölmənin digər xəbərləri
