SEÇKİ QANUNVERİCİLİYİNƏ DAİR MƏŞĞƏLƏ KEÇİRİLMİŞDİR
Ombudsman Aparatından AZƏRTAC-a bildirmişlər ki, müvəkkil Elmira Süleymanova Milli Məclisə təkrar seçkilərin şəffaf, ədalətli, qanunun tələblərinə uyğun keçirilməsinin vacibliyini vurğulamış, respublikamızda aparılan hüquqi islahatlar nəticəsində seçki sisteminin təkmilləşdirildiyini qeyd etmişdir.
MSK-nın əməkdaşı E.İsmayılov seçki qanunvericiliyi və seçki təcrübəsi ilə bağlı geniş məlumat vermiş, Seçki Məcəlləsinin, müvafiq sərəncamların və digər normativ hüquqi aktların qarşıdakı təkrar seçkilərin şəffaf və ədalətli keçirilməsinə hüquqi zəmin yaratdığını vurğulamışdır.
Müvəkkil vətəndaşların seçki hüququnun təmin edilməsi üçün, əvvəlki seçkilərdə olduğu kimi, Ombudsman yanında monitorinq qrupunun yaradıldığını, Aparat əməkdaşlarının ayrı-ayrı bölgələrdə, qaçqın düşərgələrində, hərbi hissələrdə, cəzaçəkmə müəssisələrində seminarlar keçirəcəyini bildirmişdir.
Bölmənin digər xəbərləri
