SEÇKİLƏRDƏ GƏNCLƏR DAHA FƏAL OLMALIDIRLAR
Oktyabr ayında keçiriləcək prezident seçkilərinə gənclərin münasibətini öyrənmək və seçkilərdə onların fəallığını artırmaq məqsədilə respublikamızda səfərdə olan Avropa Şurası nümayəndə heyətinin bir qrup üzvü Gənclər, İdman və Turizm Nazirliyinin əməkdaşları ilə birlikdə Gəncədə olmuşlar. Onlar regionun hökumət və qeyri -hökumət gənclər təşkilatlarının nümayəndələri ilə görüşlər keçirmişlər.Avropa Şurasının İdman və Gənclər Departamentinin sosial proqramlar üzrə əlaqələndiricisi Jan Filin Restonek bu səfərin sentyabrın 25-də Gəncədə keçiriləcək üç günlük seminara hazırlıq məqsədi daşıdığını bildirmişdir. Onun dediyinə görə, təmsil etdiyi qurum bu gün Azərbaycan gənclərinin qarşılaşdıqları problemlərin həlli istiqamətində səmərəli işlər görmək marağındadır.
Bölmənin digər xəbərləri
