Şəki teatrında “Varlı qadın” tamaşasının məşqlərinə başlanılıb
Şəki, 9 oktyabr, Mustafa Dadaşov, AZƏRTAC
Şəki Dövlət Dram Teatrında daha bir səhnə əsərinin – Əməkdar incəsənət xadimi, yazıçı-dramaturq Əli Əmirlinin “Varlı qadın“ əsəri əsasında eyniadlı tamaşanın masaarxası məşqlərinə başlanılıb.
Bu barədə AZƏRTAC-ın bölgə müxbirinə teatrın ədəbi dram hissə rəhbəri Lalə Məmmədova məlumat verib.
Tamaşanın quruluşçu rejissoru Elvin Nuri, quruluşçu rəssamı Nicat Məmmədov, geyim üzrə rəssamı Dilşad Şirinova, musiqi tərtibatçısı Zeynəb Xəlilovadır.
Səhnə əsərində rolları Əməkdar artist Rəhim Qocayev, aktyorlar Lalə Məmməd, Xəyal Salahov, Rəşid Mirizadə, Pərviz İsmayılov, Rəsul Məmmədrəhimov, Nazilə İmamhüseynova, Arzu Mustafayeva, Sənubər İsrafilova, Elvin Mabudov, Arzuman Abdullazadə, Nuranə Mirzəliyeva, Nərmin Nəbiyeva, Gülxar İmamhüseynova, Cavidan Eminov, Yaqub Lətifzadə ifa edirlər.
Tamaşanın noyabrda teatrsevərlərə təqdim olunması nəzərdə tutulur.
Bölmənin digər xəbərləri
