Beyləqanda arpa biçininə başlanılıb – sahələrdə orta məhsuldarlıq 30 sentnerdir
Beyləqan, 10 iyun, AZƏRTAC
Beyləqan rayonunun taxılçıları arpa biçininə başlayıblar. Artıq 357 hektar sahədə biçin aparılıb, 1071 ton məhsul əldə edilib. Hər hektarın orta məhsuldarlığı 30 sentnerdir. Taxıl biçininə 16 kombayn cəlb edilib.
Beyləqan Dövlət Aqrar İnkişaf Mərkəzindən AZƏRTAC-ın bölgə müxbirinə bildirilib ki, torpaq mülkiyyətçiləri bu il 16 min 606 hektar sahədə taxıl bitkiləri becəriblər. Onun 10 min 442 hektarı buğda, 6164 hektarı arpadır. Havanın yağmurlu keçməsi biçini ləngitsə də, Beyləqan taxılçıları bol məhsul əldə etmək əzmindədirlər.
Qeyd edək ki, Beyləqan taxılçıları 2025-ci ildə 15 min 316 min hektar taxıl sahəsindən 56 min 736 ton məhsul əldə ediblər. Hər hektarın məhsuldarlığı orta hesabla 37 sentner olub.
Müxbir – Tahir Ağaməmmədov
Bölmənin digər xəbərləri
