ŞƏKİ TEATRININ QASTROL SƏFƏRİ UĞURLU OLMUŞDUR
Teatrdan AZƏRTAC-ın müxbirinə bildirmişlər ki, Mədəniyyət və Turizm Nazirliyinin təşəbbüsü ilə gerçəkləşdirilən bu qastrol səfərində əyalət teatrının yaradıcı kollektivi paytaxt tamaşaçılarına Polşa dramaturqu Slovamir Mrocekin «Xoşbəxt hadisə» əsərini təqdim etmişdir. Tamaşaya quruluşu rejissor Mirbala Səlimli vermişdir. Tamaşada əsas rolları Xanlar Həşimzadə, Əbülfət Salahov, Sima Şabanova, Akif Yusifov və Xəyal Abbaszadə ifa etmişlər. Şıxəli Qurbanov adına Dövlət Musiqili Komediya Teatrının səhnəsində oynanılan əsərlər paytaxt tamaşaçıları tərəfindən böyük rəğbətlə qarşılanmışdır.
Yaradıcı kollektiv hazırda Mirzə Fətəli Axundovun “Molla İbrahimxəlil kimyagər” əsəri üzərində məşqləri davam etdirir. Mədəniyyət və Turizm Nazirliyinin sifarişi əsasında hazırlanan bu tamaşa noyabrın axırında təhvil veriləcəkdir.
Bölmənin digər xəbərləri
