Şəkidə minik avtomobilin körpüdən aşması ölümlə nəticələnmişdir
Bakı, 14 noyabr (AZƏRTAC). Şəki rayonunun İncə kəndində Rövşən Balacayevə məxsus “Hyundai” markalı minik avtomobilinin körpüdən aşması ölümlə nəticələnmişdir.
Fövqəladə Hallar Nazirliyinin mətbuat xidmətindən AZƏRTAC-a bildirmişlər ki, müvafiq xilasetmə qüvvələri hadisə yerinə cəlb olunmuşlar. Xilasedicilər müxtəlif kəsici alətlərdən istifadə etməklə sürücünün cəsədini deformasiyaya uğramış avtomobildən çıxarmışlar.
Hadisə ilə əlaqədar müvafiq qurumlar tərəfindən təhqiqat aparılır.
Bölmənin digər xəbərləri
