ŞƏKİDƏ REGİONAL TİBBİ YARDIM MƏRKƏZİ YARADILACAQDIR
Şəki mərkəzi rayon xəstəxanasının baş həkimi Sehran Məmmədov bildirmişdir ki, Şəki regional mərkəzinin fəaliyyət dairəsinə Balakən, Zaqatala, Qax, Şəki və Oğuz rayonları daxildir. Mərkəz xidmət ərazisində baş vermiş yol-nəqliyyat və digər qəza hallarında zərərçəkənlərə təcili, təxirəsalınmaz və konsultativ tibbi yardım göstərəcək, habelə təbii fəlakət, terror aktları, fövqəladə hallar və epidemiyalar zamanı keçirilən tədbirlərdə iştirak edəcəkdir.
Müasir tələblərə cavab verən tibbi cihaz və avadanlığı olan xüsusi avtomobillə təchiz ediləcək mərkəzə yüksək ixtisaslı, peşəkar həkim və sanitarlar cəlb olunacaqdır.
Regional mərkəz üçün Şəki mərkəzi rayon xəstəxanasının binasında 6 otaqdan ibarət yer ayrılmışdır.
Bölmənin digər xəbərləri
