ŞƏKİDƏ TAXIL BİÇİNİNƏ HAZIRLIQ İŞLƏRİ BAŞA ÇATMIŞDIR
Şəki rayonunun təsərrüfatlarında taxıl biçininə hazırlıq işləri mütəşəkkil qaydada başa çatdırılmışdır. Biçin kampaniyasında zəmilərə çıxarılacaq 225 taxılbiçən kombayn, 30 şum traktoru və digər texnika əsaslı təmir olunmuşdur. Taxıl anbarları, xırmanlar hazır vəziyyətə gətirilmiş, yanğın təhlükəsizliyi tədbirləri görülmüşdür. Rayonun “Bolludərə”, “Turan”, “Qarabulaq”, “Nuranə” taxılçılıq təsərrüfatlarında, Aqrosənaye firmasında biçınə hazırlıq işləri daha mütəşəkkil təşkil olunmuşdur.
Şəhər icra hakimiyyətinin aqrar məsələlər şöbəsindən AZƏRTAC-ın müxbirinə bildirmişlər ki, Şəki rayonunda 48596 hektar sahəyə taxıl əkilmişdir. Bu il zəmilərdən 80-90 min ton məhsul yığılacaqdır.
Bölmənin digər xəbərləri
