SƏMƏD VURĞUNUN 100 İLLİK YUBİLEYİ QEYD OLUNMUŞDUR
Liseyin direktoru Şərif Hacıyev müasir poeziyamızın bayraqdarı Səməd Vurğuna xalq məhəbbətindən danışmış, Prezident İlham Əliyevin ölməz şairin 100 illik yubileyinin keçirilməsi haqqında Sərəncamının əhəmiyyətini vurğulamışdır.
Qazax xeyriyyə cəmiyyəti idarə heyətinin üzvü Zaməddin Ziyadoğlu, akademik Teymur Bünyadov, xalq şairi Zəlimxan Yaqub, xalq artisti Tariyel Qasımov və başqaları şairin qısa, lakin zəngin ömür yolundan, çoxşaxəli yaradıcılığından söhbət açmış, qüdrətli söz sahibi haqqında ürək sözlərini söyləmişlər.
Tədbirdə Səməd Vurğunun doğma Azərbaycana, ana vətənə, onun füsunkar təbiətinə həsr etdiyi əsərlərdən parçalar səslənmiş, sözlərinə yazılmış mahnılar ifa olunmuşdur.
Şairin qızı Aybəniz Vəkilova atasının xatirəsinə göstərilən diqqət və ehtirama görə dövlətimizin başçısına, tədbirin təşkilatçılarına və iştirakçılarına minnətdarlığını bildirmişdir.
Bölmənin digər xəbərləri
