“SƏNİ MƏNDƏN SORUŞSALAR…” ADLI SƏNƏDLİ FİLMİN İSTEHSALI BAŞA ÇATMIŞDIR
AZƏRTAC “Azərbaycan Televiziya və Radio Verilişləri” QSC-nin mətbuat xidmətinə istinadla xəbər verir ki, “Azərbaycantelefilm” Yaradıcılıq Birliyində xalq və bəstəkar mahnılarının mahir ifaçısı Anatollu Qəniyevin yaradıcılığına həsr olunmuş “Səni məndən soruşsalar…” adlı sənədli filmin istehsalı başa çatmışdır.
Filmdə bu gün də sevilən çoxlu sayda mahnıların ilk ifaçısı mərhum Anatollu Qəniyevin həyat və yaradıcılığından zəngin faktlarla söz açılır. Onun vəfatından illər keçməsinə baxmayaraq, musiqisevərlər müğənninin yaddaşlarda yaşayan musiqisindən həvəslə danışırlar.
Çəkilişləri Bakıda və Neftçalada aparılan yeni ekran əsərində sənətkarın oğlu, müğənni Heydər Anatollu atası və ustadı haqqında xatirələrini dilə gətirir.
Bu yaxınlarda AzTV-də təqdim olunacaq filmin ssenari müəllifi Xaliq Quliyev, rejissoru Oqtay Əlizadədir.
Bölmənin digər xəbərləri
